نكت مصريه
كتبهاmony tota ، في 19 مارس 2007 الساعة: 23:37 م
نكت مصريه
الفيييييييييييييل
مرة فيل اتجوز نمله وبعد ايام زهق منها فقالها انتي طالق
فقالتله والفيل اللي في بطني ?!!
الجنى
واحد راكب عربية صغيرة جدا ماشى بيها فى شارع صغير و و احد تانى راكب عربية كبيرة جدا وكل واحد عاوز يعدى من الشارع حدثت خناقة كبيرة ..
.المهم صاحب العربية الصغيرة بكل فخر قال لصاحب العربية الكبيرة:انت عارف العربية دى فيها ايه رد و قالوه لا قلوه العربية دى فيها عفريت قالو ورينى كده دعك العربية طلع منها عفريت كبير وقال:شبيك لبيك تطلب ايه قالو 2شاى و جاب الشاى المهم صاحب العربية الكبيرة أشترى العربية الصغيرة مقابل الكبيرة ودعك العربية بعد ما أشتراها و طلع العفريت قال صاحب العربية انا عاوز دهب وفلوس و عربيات ، رد العفريت : انا بعمل شاى بس
رخم
واحد رخم عرف ان الاموات بتحس وتسمع باللى بيحصل حواليها
راح الترب و شغل الكاسيت على العالى باغنية الحياه حلوه
مسطول
واحد مسطول ماشى فى الشارع قابل واحد قاله ازيك يا محمد انت اتغيرت اوى يا محمد عنيك ووشك وشكلك
اتغير قوى يا محمد رد عليه وقاله انا مش محمد قاله ياه وكمان غيرت اسمك
باشا
واحد باشا الزمن دار عليه وافتقر حب يشتغل اشتغل بتاع فجل وجرجير
وقف فى السوق وهو لابس الطربوش وبيقول فجل يا حوش جرجير يا كلاب
ابو العربى
مره ابو العربى دخل القسم فالظابط بيحقق معاه قال له
ازاى يا ابو العربى تعمل كده فى الراجل دا انتا كسرت له رجل و قطعت له ايد وجبت له شرخ فى دماغه رد ابو العربى يا باشا انا كنت ماشى بالعربيه بتاعتى بسرعه و سعادتك عارف عربيتى مش فيها فرامل فا انا قعدت ادى للراجل ده كلاكسات و اقلب له فى نور وهو اللى ما بعدش عن العربيه فدخلت فيه غصب عنى رد الظابط لا لا لا لا انتا كده عندك حق هو اللى غلطان انا ها اساله سال الظابط الراجل قال له انتا ازاى ما بعدش انتا مش عارف ان عربيه ابو العربى مش فيها فرامل رد الراجل والله يا باشا انا معملتش حاجه انا كنت قاعد فى الدكانه !!
بخيل
مرة واحدة قالت لحبيبها البخيل
(اكلها معاك بدقة اعيش معاك فى جحر)راح قال انتى ليه مادية قوى كدة يا حبيبتى
مجنون
مرة واحد دخل مستشفي المجاننين لقي المجانين معلقين واحد في السقف
واعدين يلفوا حولة شاف واحد اعد لوحدة قالة يابني انت مش بتلعب معاهم لية قالو يابية دول ناس هبل فاكرين الراجل لمبة واعدين يلفوا حولة قالو يابني انت شكلك عاقل قوم معاي ننزل الراجل قالو هنعد في الضلمة ياروحمك
صعيدى روش
مرة واحد صعيدي حب يعمل روش
كتب على الشومة أديدس
سواق تاكسي
سواق تاكسي قعدت جنبه بنت حلوة قوي قاللها : تعرفي تسوقي؟
قالتله : لأ
قالها : أنا تسوقي
اتنين مساطيل
اتنين مساطيل طينة طلبت معاهم ان اول واحد هيعدى من الشارع
يقطعوا رقبته ويلعبوا بيها كورة فلقوا واحد معدى من الشارع اتارية مسطول اكتر منهم المهم وقفوه وقالوله احنا طلبت معانا نطير رقبتك ونلعب بيها كورة راح مطلع سكينة وضربها فى دماغه وقالهم دا انا افسيها قبل ما تلعبوا بيها
ـــــــــــــــــــــــــــــــــــــــــــــــــــــــــ
التصنيفات : نكتة | السمات:نكتة
أرسل الإدراج | دوّن الإدراج
مارس 21st, 2007 at 21 مارس 2007 10:42 ص
ههههههههههه
حلوة اوى النكت ده
وان شاء الله مزيد من التقدم
سارة
مارس 22nd, 2007 at 22 مارس 2007 1:16 ص
ميرسى يا حبيبة قلبى
و بتمنالك انتى كمان المزيد من التقدم و النجاح و التوفيق
تحياتى
مارس 25th, 2007 at 25 مارس 2007 4:49 ص
شكرا جزيلا مني ، فعلا نحن بحاجة ماسة للضحكة في هذا الجو المشحون ، واسمحي لي أن أضيف ابتسامة :
كان فيه زوج يحتضر و مراته قاعدة جنبه قل لها وهو يشوف فيها بنظرة منكسرة : شايفة يا حبيبتي ، لما طردوني من العمل كنت جانبي ، و لما حاولت اتاجر و خسرت كل حاجة كنت بارضه جانبي ، و لما مرضت و لازمت الفراش منذ مدة كنت بارضه جانبي و ها أنا مش نافع في علاج و بموت و انت بارضه جانبي … أنا حاسس إنك نحس !!
مارس 25th, 2007 at 25 مارس 2007 9:02 م
العزيزة حنين
شكرا لاضافتك الرائعة و دمك الخفيف
و أوافقك الرأى فنحن بحاجة ماسة لاضافة ابتسامة لحياتنا
و أرجو دوام التواصل
تقبلى تحياتى
أبريل 6th, 2007 at 6 أبريل 2007 12:08 ص
حلوة يا مونى
بجد ربنا يوفقك
اقولك نكتة
واحد قال لخطيبته لما ازمرلك تنزلى .قالتله جبت عربية .قالها لا جبت زمارة
باى
صديقتك ………….
أبريل 6th, 2007 at 6 أبريل 2007 5:24 ص
ههههههههههههه
ميرسى يا ستى و مقبولة النكتة منك
تحياتى
أبريل 9th, 2007 at 9 أبريل 2007 3:47 ص
نكتك حلوه ودمك خفيف يا مونى
دااااايما موفقه
مايو 31st, 2007 at 31 مايو 2007 4:53 م
نكتة الباشا أضحكتني فعلا.
ادعوك أيضا لزيارة مدونتي و قراءةصباح جميل التي أهديها لكل القراء
سبتمبر 26th, 2008 at 26 سبتمبر 2008 5:34 م
الشيخ كان واقف عل المنبر
عمال بيهدد ويكفر
والناس بتمصمص شفايفها
مستنيه قيامه تقوم
والنار للعاصى والجنه للمحروم
يا مولانا صحى الناس النايمه قدامك
قولهم انى العالم اتغير
والزمن اتغير
وقيامة العالم قامت بره
قامت فى الحاسب والذره
عمال بتحكى فى الماضى
وتردد فى كلام فاضى
2
شيخنا عامل زى الحاوى
داير بيوزع فى فتاوى
واقف زى المسمار
ماسك مفاتيح الجنه ومفاتيح النار
بطن الشيخ منفوخ
عمال بيمسح جوخ
يدعى لليلطان واحنا وراه
يدعى لكلاب السلطان واحنا معاه
3
احكيلى يا شيخنا عن امريكا
عن دمى اللى مغرق كل مكان
عن الناس اللى باعو الاوطان
ما تقوليش ده فلان ابن فلان سوى وقال
قولى عن ظلم الرسمال
عن همى ومرضى والشوارع
اللى مليانه عيال
يامولانا الواحد مل
شوفلى عندك ايها حل
قالى يا ولدى طاطى لحد ماتعدى الريح
انا يامولانا كرهت الصوت الواطى وكرهت التلميح
يامولانا نفسى اتعلم انى اتكلم
ولما انضرب بالكرابيج اصرخ واتالم
ولما تكون بتغنى فى الماضى
صوتك يعلى ويجلجل
ولما تيجى سيرة السلطان الاقيك بتوطى وتتبرجل