لدغة واحدة تكفى
كتبهاmony tota ، في 17 مارس 2007 الساعة: 14:32 م
لدغة واحدة تكفى
لو دخل الراجل من دول بيته شايل طاجن سته على دماغه لمجرد ارهاقه فى الشغل أو سماعه كلمة بايخة من زميل أو بستفة من المدير و ظل يكلم نفسه و يفكر بعيدا عن زوجته ! فإذا به دون أن يدرى يطلق العنان للفأر " يتنطط" فى عب مراته الى درجة أن الوهم النسوانى وهو انشغال الزوج بحب جديد أو مغامرة جديدة و زوجة جديدة فى الطريق !!
و يزداد الطين بلة إذا صادف و ضبطته يستمع لأغنية لعبد الحليم حافظ بقدرة قادر و سبحان مغير الأحوال ينقلب حال الزوجة من حال لحال و تتغير 180 درجة و تتبدل ملابس" البصل و الثوم " الى " قمصان نوم " من الشيفون الشفتشى و لكل ألوان الطيف ، و تبدأ فى استخدام كل أسلحتها الأنثوية …
و فى لحظة من لحظات السعادة و الرومانسية و الانسجام تبدأ الأسئلة المحرجة : " فاكر أول يوم اتقابلنا ؟ " …
تعصر دماغك ، و تركز تفكيرك ، فاذا وفقت فى الاجابة كانت ليلتك زى الفل ، و اذا خانتك الذاكرة كانت ليلتك زى الطين و مزعببة بزعابيب أمشير و ماهى الا لحظات و تسمع مراتك تتمتم بكلمات غير مفهومة ثم تستقيم العبارات و تسمع كلام يخرم طبلة ودنك و تنقلب الرومانسية لدراما و يبدأ الحوار : " بكرة تتجوز و تنسانا و مين عارف مش يمكن يكون عندك عيال كمان ؟"
" ده معقول ياحبيبتى اتجوز تانى ؟!! "
ده كلام و بس كلكلم زى بعض و على رأى المثل … يا مآمنة للرجال ، يا مآمنة للميه فى الغربال .."
يا عزيزتى الزوج المؤمن لا يلدغ من الجحر مرتين "
"نعم ؟!! يعنى اييييييييييييه ؟؟!! "
" يعنى لدغه واحدة تكفى " …
*************
بقلم : محمد لطفى ( أخبار اليوم )
أما عن رأييى أنا بقه فى الكلام اللى مكتوب :
عاوزة أسأل الرجالة عن حاجه : لما انتو مبتحبوش الستات و يا عيينى الستات نكديين ووحشين كده … بتجروا وراهم بالمشوار ليييييييييه ؟؟!!
أنا بستغرب كل ما أقرأ حاجه زى دى .. هل ربنا خلق الستات و الرجالة عشان كل واحد فيهم يطلع عيوب التانى و يعايره بيها؟
هل لازم الراجل لما يتجوز يدبحلها القطة ؟ و الست تكلفته بالعيال ؟!!
ليه المعتقدات دى انتشرت ؟ و فى الغالب لو لاحظنا هنلاقى ان سبب ان فيه ستات نكدية ان أزواجهم مبيعرفوش يعاملوهم ازاى، أو لأن الزوج بيعاملها ببرود و مطنشها و ليل و نهار بره ،أو مبيكلمهاش كلمه حلوة فالطبيعى انها تنكد عليه عيشته !! عشان يحس بوجودها و ده لو كان عنده احساس …
ليه مبيحاولش الراجل انه يقاوم التيار اللى صحابه بيشجعوه عليه، مثلا و ده منتشر جدا فى مجتمعنا ،و هو القعده اللى كل واحد فيها بيتريق على مراته و على الجواز و بيلعن اليوم اللى اتجوز فيه !! زى متكون موضه بين الرجالة … زى ميكون الراجل اللى راضى عن زوجته كائن خرافى مش موجود فى الواقع .. أو لو قال انه زوجته كويسة يبقى عيب عليه !!! ميبقاش الراجل الشرقى اللى نعرفه .. الراجل الشرقى اللى نعرفه أنانى لدرجة انه حتى بيرفض يعترف لنفسه بإن زوجته بتعامله بما يرضى الله .. عاوز دايما يحسسها انه مش راضى عنها و انه رضاه ده حاجه بعيدة عن خيالها !!! عشان تفضل دايما مدلعاه و مهنناه و بتحاول ترضيه … عايزها تعمله أراجوز .. بالنهار شغاله و مربية للعيال ،و بالليل شهر زاد …
و عايزها متنكدش عليه ؟!! دى حقها تطلع عينه …
ـــــــــــــــــــــــــــــــــــــــــــــــــــــــــ
التصنيفات : المرأة | السمات:المرأة
أرسل الإدراج | دوّن الإدراج
مارس 17th, 2007 at 17 مارس 2007 10:26 م
والله في جزء كبير من كلامك صح بس برضه الستات لهم حاجات كده غريبه !!!
يعني مثلا عدم اختيار الوقت المناسب لمناقشة قضيىة (ملعبكه) فيها دفع فلوس او حاجه عطلانه في البيت ………. الخ
وكمان احيانا يبقوا عاوزين تعبير بالحب في وقت الراجل اصلا فاصل فيه ومش طايق هدومه
اما الرجال بصراحه - اتعودا ان الست هي الحيطه المايله يعني لو الدنيا كلها مستاسده عليه هو يعمل اسد علي مراته
رغم ان هذا يخالف منهج الاسلام حيث كان النبي صلي الله عليه وسلم يضع راسه في حجر السيدة خديجة حين يشتد عليه الايذاء
وربنا يصلح الحال و نطبق شعار الاسلام للحياة الزوجية……….( وجعل بينكم مودة ورحمة)
مارس 17th, 2007 at 17 مارس 2007 10:41 م
الأخ العزيز
أشكرك لمرورك و تعليقك
و أوافقك أن المرأة يجب عليها اختيار الأوقات المناسبة لطلب الأشياء (اللى فى الغالب مش ليها لولاده او لبيته) لك امتى ييجى الوقت المناسب ؟ يا عزيزى الوقت المناسب عند الراجل مبيجيش أبدا لأنه ببساطة مش عاوز يدفع و لا يقول كلمة حلوة و لا يصلح حاجه باظت فى البيت … عاوز يقعد حاطط رجل على رجل و محدش يطلب منه حاجه !!!
و ده نموذج واقعى لرجالة كتييييييييييير … لكن طبعا مش كل الرجالة ….
و يا ريت كمان الراجل يبقى يختار الوقت المناسب للست برضه .. ماهى كمان تعبانة و شقيانة طول النهار …
أشكرك عزيزى و ارجو دوام التواصل
تحياتى
مارس 17th, 2007 at 17 مارس 2007 10:55 م
هاى يا ايمى
بصراحة موضوع جامد
وفى راييى السبب ان الستات مش كويسين والرجالة وحشين
يعنى لو كل واحد عنده شوية عقل ومقدر مسئوليات التانى
وكل واحد بيضع امامه مميزات الطرف الاخر حينما يعلن عيوبه
مش هيبقى فى مشكلة
سلام يا جميل
مارس 18th, 2007 at 18 مارس 2007 2:53 ص
هههههه انتى عارفه والله يا مونى اول ما ابديت اقرء قولت انك ما تعرفيش تكتبى كده وبعدين لاقت انه من الجرنال وبعدين رائيك تحت .
المهم بقى فى الموضوع ده والله كنت بفكر فيه من يومين كل الناس اللى تتجوز يقولو ياريتنا ما اجوزنا قولت يكمن ما كانش جواز عن حب ولكن ناس اعرفها كانو ماتو من الحب لحد ما اجوزو وبرضه تلاقى عندهم نفس الكلام مش طايقين بعض ، فعلا المرأة مظلومه فى مجتمع شرقى زى ما قولتى . بس لاااااااا انا حاجه تانيه خالص وبرضه هاخد واحده تانيه خالص ، لدرجة بقى ان الواحد يفكر انه ما يجوزش اللى بيحبها عشان يفضل يحبها على طووووول ،ولا هى مش فارقه اصلا هو فيه حد بيجوز اللى بيحبها ؟؟؟
عشان كده بحضر الى ان ارفع شعارى الجديد لا للحب ولا للرومانسيه ولاا للعاطفه ولا للزواج … احنا مش هنتعاقب لو ما اتجوزناش اتجوزنا او مش هندخل النار عشان ما اجوزناش واهو الواحد يعيش لوحده …. يفضل الشاب المصرى كده او الفتاه المصريه يعشق ويموت من الحبي وما يجوزش . تعليقى كبر يلا مش هطول عليكى بس لسه فى كلام كتيرررر .
تحياتى …
مارس 18th, 2007 at 18 مارس 2007 3:01 ص
حبيبتى سارة عندك حق طبعا
و شكرا لتعليقك
سلامى و تحياتى
مارس 18th, 2007 at 18 مارس 2007 3:03 ص
عزيزى كريم غالى
شكرا ليك و لاهتمامك الغالى بمدونتى
و بجد وحشتنى تعليقاتك الحلوة
أنا موافقاك على الجزء الأول من التعليق لكن مش عاوزاك تيأس انك تتجوز اللى بتحبها و ليه لأ منعملش لنفسنا قواعد جديدة و الراجل يحب مراته و يحميها بروحه و الست تحب زوجها و تفديه بحيانها .. ليه لأ ؟!!
و تحياتى ليك
أبريل 6th, 2007 at 6 أبريل 2007 12:32 ص
هاى يا مونى
انا معاكى جدا
بس انا شايفة انه لو كل واحد بدأ بنفسه صدقونى مش هنلاقى حد بيشتكى
يعنى لو كل واحدة تفضل تهتم بنفسها وبجوزها بعد الجواز زى قبل الجواز مش هيبقى فى مشكلة
لكن مشكلة الست المصرية انها بمجرد ما تتجوز وتطمن انها نجحت فى اللى هى عاوزاه تبتدى تهمل نفسها ما هو خلاص (بقه جوزى مش غريب )
ده بالنسبة للست
اما الراجل
فبرده بمجرد الجواز
خلاص مفيش لا كلام حلو ولا هدايا
وبرده يهمل فىنفسه
كأن الست بس هى اللى المفروض تهتم بنفسها وهو الراجل
بيتعب ويشقى .
انا شايفة انه المفروض كل واحد بعد الجواز يحاول يدى الطرف الاخر احسن الى عنده
بس وعموما الموضوع حلو قوى يا مونى
صديقتك ……………..
سبتمبر 5th, 2007 at 5 سبتمبر 2007 4:42 م
Warm welcome to Alnemat TheGrace Arabic Christian Internet Magazine, We love you! Please visit us at:
http://www.TheGrace.net
http://www.TheGrace.org
http://www.TheGrace.com
نتمنى لكم الفرح والسلام والمحبة لأن السلام افضل من الحرب والمحبة افضل من الكراهية كما ان النور أفضل من الظلمة
سلام لكم في محبة الله.نتأمل زياراتكم الكريمة لموقع النعمة موقع مجلة النعمة يقدم كلمة الله الكتاب المقدس الإنجيل رسالة السيد يسوع المسيح قراءات مختارة مواضيع مصيرية قصص واقعية شهادات شخصية ترانيم ممتازة ردود مؤكدة كتب بنّاءة رسوم تسالي تأملات يوميات
Bible Read search in Arabic Studys Stories Testimonies Hymns and Poems Answers Books Links Daily devotions Acappella Music Graphics /
Alnemat Journal Arabe Chrétien La Grâce la Revue Arabe sur Internet offre La Sainte Bible Al-Injil L’Evangile de Jésus Christ gratuit, Bienvenue a La Grâce.
Arabic Christian Magazine The Grace offering the Arabic Bible النعمة تقدم الإنجيل الكتاب المقدس